Aste oparoa dator Udal Liburutegian

Hernaniko Udal Liburutegian astea indartsu dator hainbat ekintzekin. Ekitaldi ugari antolatu dira eta egile asko bertaratuko dira. Hasteko bihar bertan bi ekitaldi daude iragarrita. 17:30etan (3-4 urte) eta 18:00etan (5-7 urte), Pello Añorgaren eskutik ipuin kon­taketa egongo da. Ondoren, 19:30etan, euskarazko lite­ra­tur solasaldia egongo da Nola heldu naiz ni honaino libu­ru­aren inguruan. Kattalin Miner hernaniarrak idatzia da eta egilea bertan izango da.
Etzi, asteazkenean gazte­laniazko literatur solasal­diaren txanda da. Hau ere 19:30etan hasiko da eta Doris Lessing-en Diario de una buena vecina liburuaz ariko di­ra hizketan Amaia Garciak dina­miza­tuta.
Astea ezin hobeto amai­tzeko, ostegunean, mar­txo­aren 14an 19:30etan, Maite Larburu musikari herna­niarrak Irakurketa Parte­ka­tuak eskainiko ditu. Berarekin etorriko da Ion Olano itzul­tzaile hernaniarra ere.

Lehenengo aldiz komikiei buruzko solasaldia
Aste honetan ez, baina martxoaren 26an, asteartean, lehenengo aldiz, komikiei buruzko solasaldia egingo da.
20:00etan izango da hori eta gidaria Alai Zubimendi hernaniarra da, eta Dani Fano, Miguel Marmolen ha­maika eta bat jaiotzak komi­kiaren egilea, ere bertan izango da. yy