Bazkideen urteko ohiko Batzar Orokorra deitu du Umore Ona elkarteak martxoaren 16rako. Lehendabiziko deialdia 17:00etarako egin da, eta bigarrena, 17:30etarako. Besteak beste, 2018ko memoria eta gastu eta diru-sarreren balantzea aurkeztuko dira, eta 2019ko aurrekontua onartzea bozkatuko da. Komisio berria eta bazkide berriak ere onartuko dira. Kontuak elkartean bertan daude irakurri nahi dituenaren eskura.