Argazki erakusketa jarriko dute gaur arratsaldean, Astigarragako Gaztelekuan. Eta argazkietan, ikusi ahal izango dira emakume palestinar errefuxiatuak. Izan ere, Unrwa elkarteak eta Gaztelekuak antolatu dute erakusketa, «estereotipoak desegiteko» helburuarekin.
Arratsaldeko 17:30etan hasi, eta 19:30ak arte izango dute argazkiak ikusteko aukera, 12 eta 18 urte bitarteko nerabeek.
Biharko, berriz, ping pong txapelketa antolatu dute.
Logo berria aukeratzeko, bozketa epea zabalik
Gaztelekuan, bestalde, logo berria aukeratu nahian dabiltza, eta horretarako, hiru proposamen dauzkate aukeran. Gaztelekuan daude ikusgai, eta bertan bozkatu dezakete nerabeek, hiruetako baten alde, martxoaren 17ra arte.