Umorea izango da protagonista gaur, Astigarragako kultur etxean. Iluntzeko 20:00etan hasita, Monolokos bakarrizketa saioa eskainiko dute Loli Astorekak eta Alazne Etxeberriak.
Euskeraz ariko da bata, eta gaztelaniaz bestea. Bi istorio ezberdin kontatuko dituzte, zenbait gairen inguruan; baina biek izango dute umorea ardatz, bere saioan.
Emanaldia ikusteko sarrerak, internet bidez egon dira salgai, astean zehar; eta gaur ere eskuratu ahal izango dira, 19:00etatik aurrera, kultur etxean bertan: helduek 6 euro, eta adin txikikoek 3 euro. 16 urtetik gorakoentzat gomendatu dute ikuskizuna.