Zita garrantzitsua dute gaur, Iruran, Anartz Oiartzabal eta Oihan Zugasti esku pelotari hernaniarrek. Gipuzkoako Trinkete Txapelketaren finala jokatuko dute, jubenil mailan, goizeko 11:30etan hasita. Gazteleku taldeko Huitzi eta Gomez izango dituzte aurrean. Bihar, berriz, Udaberri Torneoko semifinala jokatuko dute Xabier Salaberriak eta Zugastik berak, goizeko 11:30etan Hernanin, Zestoako Olaizola eta Salegiren kontra.