Sagarrondoak morez jantziko dira gaur Sagardoetxean

Emakume Langilearen Nazio­arteko Eguna ospatzeko hel­bu­­ruz, ekintza ezberdinak an­tolatu dira gaur Sagar­do­etxe­an, 12:00etan hasita: Sagar­do­etxeko sagarrondoak morez jan­tziko dira Harituz Talde­a­rekin elkarlanean eta Ema­ku­me ekintzaileak sagardogin­tzan erakusketaren bisita gidatua izango da Lourdes Odri­ozola historialariarekin batera.

Harituz Taldearekin batera

Sagar Uzta egunean Astiga­rragako Harituz Taldeak iragarri zuen moduan, beraiek es­kuz ehundutako estalki mo­reekin Sagardoetxeko sagastiko sagarrondoak morez jan­tziko ditu Nazioarteko Ema­kume Langilearen Egunaren erreibindikazioarekin bat eginez. 

Ondoren, Emakume ekin­tzaileak sagardogintzan erakusketaren bisita gidatua izango da Lourdes Odriozola historialariarekin batera. Era­kusketa honetan, XVI-XVIII. mendeetako Gipuzkoako lau emakumeren historiak ezagutzen dira: Maria Laba­yen, Maria de Echevarria, Ana de Beroiz y Fagola eta Maria Josefa de Orobio. Ausartak, ekintzaileak, azkarrak eta horietako batzuk negozioen mundua ondo ezagutzen zu­ten emakumeak izan ziren, eta bakoitzaren bizimodua nahiz gainditu beharreko arazoak ezberdinak izan arren, emakume hauek lotzen ditu­en gauza bakarra sagardoa da.

Ekitaldiari amaiera emateko, sagardo dastaketa gidatua eskainiko da.