1936-1945 bitarteko urteak, hau da, Gerra Zibilekoak izango dituzte gogoan aurten oroimen historikori buruzko jardunaldietan. Martxoan zehar burutuko dira ekintzak, gaurtik hasita.
Hain zuzen, Oroimen Bulegoa irekiko dute gaur, udaletxean. Martxoaren 26ra arte bisitatu ahal izango da astelehen eta astearteetan, goiz eta arratsaldez: 10:00etatik 14:00etara eta 16:00etatik 19:00etara (martxoaren 18an eta 19an izan ezik).
Bertan informazioa jaso eta eman ahal izango da, «1936 eta 1945 bitartean errepresaliak jasan zituzten senide eta pertsonen ingurukoa».
Horrez gain, bertaratu ezin duenak ere, izango du aukera bulegoarekin harremanetan jartzeko: 943 466 142 edo amaiarodriguez@aranzadi.eus helbidean.
Bulegoaz gain, bi hitzaldi izango dira gaiaren bueltan. Aurrenekoa ostegunean izango da; Errepresioa genero ikuspuntutik gaia aztertuko du Aranzadiko Lourdes Herrasti historialari eta antropologoak. Biterin izango da, 19:30etan.
Bigarrena, aldiz, hilaren 21ean izango da, eta Josu Chueca EHUko Historia Garaikidean doktoreak eskainiko du.