Eguraldiak lagunduta, aurrera dijoaz inauteriak Urumea bailaran. Atzoko biharamunarekin, konpartsen eguna izango dute hernaniar eta astigartarrek gaur.
Astigarragakoak izango dira goiztiarrenak; goizeko 11:30etan abiatuko da Ergobiako plazatik inude eta artzainen konpartsa, Astigar Dantza Taldearen eskutik.
Orduerdi beranduago abiatuko dira Hernaniko konpartsak Urbieta kaletik. Eguerdiko 12:00etan hasiko da, baita ere, Kalez Kale Kantariren kale-buelta, Plaza Berritik.
Arratsaldean, txaranga, musika eskolako trikitilarien buelta eta Sonakayren kontzertua izango dira. Azkeneko honek Tilosetan egingo du emanaldia, 19:30etan.
Arratsaldean hasiko dira Goizuetako inauteriak. 17:00etan izanen da hori, gaztetxoen zahagi dantzarekin.