Hernaniar atletek emaitza onak lortu dituzte pasa den asteburuan antolatutako Euskadiko txapelketan, gazteen kategorietan. Donostiako belodromoan jokatu ziren, pista estalian, eta C.D. Hernaniko 14 atleta aritu ziren eta guztira lau domina lortu zituzten.
Jon Ander Estebanek urrea lortu zuen jauzi hirukoitzan eta beraz Euskadiko txapeldun geratu da eta brontzea ere eskuratu zuen luzeera jauzian. Bi domina horiek 20 urtez azpiko mailan iritsi ziren.
16 urtez azpikoetan, Nagore Urkiolak brontzea lortu zuen jauzi hirukoitzan eta Amaiur Velezek ere brontzea 600 metroetan.
Beste hamaika kirolariek ez zituzten dominak lortu, baina marka pertsonal ugari lortu zituzten eta emaitzekin eta eginiko denborekin gustora geratu ziren gehienak.
Martxoan zehar ere hernaniar korrikalari eta atletak txapelketa desberdinetan ariko dira.