Bi gairen inguruan lau Zilegi Eskola saio antolatu ditu AEK euskaltegiak hil honetarako, eta hiruretan izen-emate epea irekita dago. Sendabelarren inguruan ariko da Maika Cester martxoaren 4an 19:00etan eta 28an, 09:30etan. Azalpenez gain, belarrak biltzeko ibilaldia eta ukendua prestatzeko aukera izango dira, 3 eurotan. Bestalde, hilaren 5ean barreterapia egingo da Maialen Viañarekin, doan, 09:30etan kiroldegi kanpoko gela anitzean, eta 19:00etan Arrobitxulon. Izen-emateak: kultur etxean edo zilegieskolak@aek.eus.