Erakusketa jarriko du Carmen Ibañezek Biterin, gaur hasi eta martxoaren 11ra arte. Goizetan, 10:00etatik 13:00etara ikusi ahal izango da; eta arratsaldetan, berriz, 17:00etatik 20:00etara.
Gaur, ordea, arratsaldeko 19:00etatik aurrera ikusi ahal izango da, eta inaugurazio ekitaldia egingo da, gainera. Herritarrek ere hartu ahal izango dute parte, artelan berri bat sortzeko.
Performancea, ekintza kolektiboa eta erakusketa
Inaugurazio ekitaldi berezia prestatu du artistak gaurko. Hiru zatitan banatu du gaurko ekitaldia.
Saioa hasteko, performancea egingo du. «Erakusketaren luzapen» moduan ulertzen du Ibañezek performancea, eta Txaro Unzilla eta beste hainbat kide izango ditu lagun.
Segidan, herritarrak animatuko ditu ekintza kolektibo batean parte hartzera. «Herritarrei aztarna uzteko aukera» eman nahi die, modu horretan, «beste artelan bat sortzeko».
Azkenik, argazki erakusketa bera ikusi ahal izango da.
Desadostasunak agerian
Argazki erakusketaren izenburua da Sei pertsonaia egile bila, eta XVI eta XXI. mendeen arteko 6 pertsonaiaren inguruko lanak bildu ditu; tartean, Munillari buruzkoak.
XVI eta XXI. mendeen arteko sei pertsonaiari buruzko argazkiak jarriko ditu Ibañezek; tartean, Munillarenak.
Ibañezen helburua da «salatzea patriarkatuaren zutabeak, eta atzean dagoen eraikin soziala. Gure desadostasunak helaraztea».