Urteko erremonteko txapelketarik zaporetsuena aurkeztu zuten herenegun Astigarragako Gurutzeta sagardotegian: Sagardoaren txapelketa. Txotx egiteko gogoz izan ziren bertan zortzi bikote partehartzaileak, eta baita zortzi sagardotegietako ordezkariak ere.
Zortzi bikote arituko dira gaurtik aurrera, bi taldetan. A taldean izango dira: Segurola-Endika (Petritegi), Juanenea-Azpiroz (Larre-Gain), Uterga-Labaka (Bereziartua), eta Urriza-Zaldua (Gaztañaga); B taldean, aldiz, Ezkurra II-Garces (Gurutzeta), Goikoetxea V-Barrenetxea IV (Oialume Zar), Etxarri-Ion (Altzueta), eta Ansa II-Agirrezabala (Setien).
Ligaxka, gaurtik
Aurrena Ligaxka jokatuko dute, taldeen barruan, apirilaren 6ra arte. Uterga-Labaka (Bereziartua) eta Juanenea-Azpiroz (Larre-Gain) lehiatuko dira aurreneko jardunaldian. Arratsaldeko 16:00etan hasita izango da, Galarretan.