Hezkuntzaz solasean aritzeko aukera eskaintzen du Hezkuntza Plataformak hilero. Otsailekoa, berez, otsailaren 14rako zegoen aurreikusita, baina atzeratu beharra izan zuten, eta gaur egingo dute.
Nola jardun modu egokian mundu digitalean izenburupean eskainiko du Hezkuntza Eskola Maite Goñik, Mondragon Unibertsitateko irakasle eta konpetentzia digitalean aditua denak. Arratsaldeko 17:30etan hasita izango da gaurko saioa, ohi bezala, udaletxeko areto nagusian.
Teknologien erabilera on bat nola egin azalduko du Maite Goñik.
Teknologien inguruan, aholkuak bertaratzen direnei
Gaurko saioan, Maite Goñik aholkuak emango ditu gailu ezberdinak segurtasunez erabiltzeaz, mugikorren erabilera egokiaz, identitate digitalaz... Erabilera on bat nola egin azalduko du Maite Goñik, baita ere.
Zaintza zerbitzua ere bai
Aurreko saioetan bezalaxe, oraingo honetan ere zaintza zerbitzua izango da.