Gipuzkoako Mugi txartelaren bueltan, aldaketa nabarmenak izango dira apirilaren 1etik aurrera. Horien artean, azpimarragarriena izango da RENFE sartuko dela MUGI txartelaren sisteman, baina baita txartelaren beraren tarifen aldaketa ere.
Aurreneko hori aprobetxatuz, Gipuzkoako Lurralde Agintaritzak (GGLA) MUGIpuzkoa ekimena antolatu du, eta Gipuzkoako hainbat herri bisitatuko ditu; horien artean Hernanin izango da gaur.
Arreta Zerbitzurako Bulego ibiltaria jarriko du Plazan, karpa batean, herritarrei MUGI txartelaren informazioa eman, eta bide batez, txartela egiteko aukera eskainiko du.
Goiz eta arratsaldez egongo dira Plazan; goizez, 11:00etatik 13:00etara, eta arratsaldez, 16:00etatik 19:00etara.
Txartela bera egiteaz aparte, MUGI txartela egin nahi duenak bulego ibiltarian egin ahal izango dituzte argazkia, beharrezko agirien kopiak (NAN edo Familia Liburua), inprimakia betetzea, baita ordainketa ere (txartelaren bidez egiteko aukera izango da).