Azkeneko traka bezain ona, aurreneko tragoa

Festa giroa nagusitu zen Gala­rretan, larunbat arratsaldean, Erremontearen Eguna ospa­tze­ko. Harmailak bete eta giroa jarri zuten zaleek, kantxako ikuskizun ederraz gozatu ahal izan zuten; bai erremontisten aldetik, eta baita dantzari zein musikarien eskutik ere.
Goikoetxea V eta Labaka na­gusitu ziren aurreneko par­ti­duan (35-23); eta Zeberio II eta En­dika Barrenetxea herna­nia­rra, es­telarrean (40-30). Azpi­roz baino gehiago izan zen Ba­rre­netxea, eta Zeberio sekulako mai­lan aritu zen, 16 tanto egin eta bat bera ere galdu gabe, Uterga aurrean izan arren. 
Eta partidu bakoitzaren on­doren, banatu zizkieten sa­ri­ak, aurreko denboraldiko onenei: B multzoko erregularrena izan da Jagoba Labaka, eta A mul­tzo­­koa Xanti Uterga. Baina Urrez­ko Erremontea, beste behin, Ja­vier Urrizak jaso zuen.
Sarien, Amets Arzallusen bertsoen, eta dantza ikuski­zu­naren ondoren, iritsi zen egu­ne­ko sorpresa nagusietako bat: hiru hiruren kontrako par­ti­dua. Lehia berdindua izan zen, eta ederki aritu ziren hiru­ko­teak, baina azkenean, Larra­ña­garen sakeek eta Ezkurra IIren mailak agindu zuten, eta 35-30 nagusitu ziren, Segurolarekin.
Lehenengo bi partiduek az­ken traka ederra jarri ba­zioten aurreko denboraldiari, hiru­ko­­teen partiduak eta ondorengo luntxak, aurreneko trago one­na eskaini zieten zaleei, den­bo­­raldi berri honetarako.