Datorrenaren zain, bukatu berritan

Puntako bertsolariek eman zioten hasiera atzo, Bertso Gutiziak ekimenari: Maialen Lujanbio eta Onintza Enbei­ta, Euskal Herriko eta Biz­kaiko Bertsolari Txapelke­tetako ira­bazleak, eta Unai Agirre eta Aitor Mendiluze, Euskal He­rriko finalistak aritu ziren bertsotan, Unai Elizasuk mar­katutako gaiei punta atera eta ironiaz nahiz xa­mur­tasunez erantzuten.

Ordubete pasatxoko saio­a­ren ondoren, Basque Culinary Cen­terreko ikasleek pres­ta­tuko jaki goxoekin gozatzeko aukera izan zen gero.

Laugarren urtea izan da aurtengoa, Kronikak, Insa­lu­sen laguntzarekin eta Basque Culinaryri esker Bertso Gu­tiziak ekitaldia antolatzen duena, eta sarrera guztiak bukatu ziren, eguna baino lehen.

Bertaratutako herritarrak ez ziren damutu, eta arra­tsalde eta iluntze ederra pasa zu­ten. Datorren urtean be­rriro ere aukera izango ote den galdetu zuenik ere izan zen, eta beraz, Basque Culinary Centerreko ikasleak ere pozik geratu ziren, Kro­nikari aitortu ziotenez, jen­dea errepikatzeko gogoz atera dadin izaten baitute helburu, horrelako ekitaldietan.