Buruntzaldeako Udaletako Euskera sailek eskualdeko autoeskolekin elkarlanean gidabaimenaren alderdi teorikoa euskeraz egiten duten herritarrak saritzen dituzte urtero. Denera bederatzi sari zozketatzen dituzte sei herrien artean, hau da, Astigarraga, Hernani, Andoain, Lasarte-Oria, Urnieta eta Usurbil.
Astigartarren artean, sari bakarra banatu zen; Lide Irurzunek jaso zuen, zozketaren biharamunean, Urkiri Salaberria euskera zinegotziaren eskutik.
400 euroko saria
Hain zuzen, 400 euroko saria eskuratu du Irurzun astigartarrak 2018an zehar gidabaimenaren formazio teorikoa euskeraz egin izanagatik eta «euskeraren alde egindako hautua eta ahalegina» saritze aldera.
13 astigartarrek
Hautu hori, hain justu, 110 lagunek egin dute aurten Buruntzaldea osoan; horietatik 13 izan ziren astigartarrak.
2010ean ekimena martxan jarri zenetik, 904 lagunek atera dute gidabaimenaren formazio teorikoa euskeraz.