Astigarragako Odol Emaileen Elkarteko Ordezkaritzak dei egin die herritarrei, gaur arratsaldeko 18:30etatik 20:30etara anbulatoriora gerturatu daitezen, odola ematera.
«Odola ematea beste batzuei bizitzeko aukera ematea da», azaldu dute. Eta era berean, eguneroko ohitura ona dela gogorarazi dute: «dohaintza ez da izan behar tragedia edo larrialdiko egoerekin lotutakoa, baizik eta eguneroko eta ohiko ekintza, gure bizitzan».
Udalak ere jarduera hau babesten duela azpimarratu dute, eta eskerrak eman dizkiete emaileei, aldez aurretik.