Iritsi da bertsoen hitz jolasekin eta Basque Culinary Centerreko ikasleek prestatuko jakien zapore nahasketarekin gozatzeko eguna; gaur, 19:00etan hasita, Bertso Gutiziak saioa egingo da Basque Culinary Centerren, laugarrenez Kronikak antolatuta, Insalusen laguntzarekin.
Bertsolariek emango diote hasiera ekitaldiari. Horretan ariko dira Unai Agirre, Maialen Lujanbio, Onintza Enbeita eta Aitor Mendiluze, eta gai-jartzaile Unai Elizasu arituko da.
Saioa bukatuta, mokaduz mokadu bapo afaltzeko tartea izango da gero, BCCko ikasleen eskutik.
Sarrerak bukatu dira dagoeneko, eta Kronikan jaso behar dituztenek 17:00ak arte izango dute aukera.