Euskar Ari Du elkarteak bultzatutako Baietz Hernanik! ekimenean 1.000 lagunetik gorak hartu du parte, eta erronkaz erronka, euskera gehiago erabiltzeko saiakera egin dute 2018 urtean zehar. Aztiker Ikerguneak urtean zehar hainbat inkesta egin dizkie parte-hartzaileei, eta horietatik ateratako ondorioen berri emango da astelehenean egingo den aurkezpen irekian, 19:00etan Biterin.