Hernaniko herrigunera mugituko dute aurten, orain arte Fagollagan egiten zen trialsin txapelketa. Kiroldegiaren ondoan egingo dute, igandean, goizeko 10:30etan hasita.
Horrela, herritar gehiago bertaratzea nahi dute, kirola ezagutzeko. Eta probatzeko ere izango dute aukera, nahi duten gaztetxoek, bizikleta eta kaskoa eramanda.
Federatuen probak, Gipuzkoako Txapelketaren baitan jokatuko dira, eta bertan izango dira, maila haundiko espezialistak: Ion Areitio, Benito Ros eta Irene Caminos, adibidez.