Hezkuntzari buruzko beste hitzaldi bat antolatu du gaur, Astigarragako Herri Eskolako Guraso Elkarteak. Eta oraingoan, frustrazioa izango da gaia. Horri buruz ariko da Juan Carlos Alonso psikologoa, arratsaldeko 18:30etan hasita, Herri Eskolako aretoan.
Zehazki, frustrazioaren beharra azaleratuko du Alonsok. Azalduko du zer den frustrazioa, eta nabarmenduko du, beharrezkoa dela, modu egokian hezteko seme-alabak. Eta era berean, argituko die, bertaratuei, gaur egun zergatik den hain zaila seme-alabei ezetz esatea; eta aditzera emango die, zein portaeren aurrean erabili behar den.
Gurasoei zuzendutako saioa da, eta herritar guztiei irekia izango da.