Kaxko Elkarteak bizilagunei dei egin die balkoietan banderolak jartzeko, garbiketarekin lotuta eta kaleko zarataren kontra. «Modu honetan guztion artean giro hobea izan dezakegu, kalean tratu onak sustatuta», azaldu dute. Banderolak astelehenetan jaso ahal izango dira, 19:00etatik 20:00etara, Kale Nagusia 6ko lokalean. Jaso ezin dutenei etxera eramango diete, 689 321 451 telefonora deituz gero.