Astigarragak CIOT nazioarteko kongresuan hartuko du parte, bere paisaiaren ekintza plana ezagutarazteko

Astigarragak  Lurralde Anto­la­menduaren Nazioarteko Kon­gresuan parte hartuko du mar­txoaren 13, 14 eta 15ean San­tan­derren, Kantabriako Uni­ber­tsi­tateko kanpusean. 

Zorione Etxezarraga alkatea izango da ordezkaria eta pasa den ostegunean udaletxean aurkeztu zuten CIOT kongresua FUNDICOT-Lurralde Antola­men­­­­­­­­­­du­aren Profesioarteko el­kar­teko Raoul Servert lehendakari ordearekin batera.    

Bede­ratzigarren kongresua izango da eta lehenengo aldiz parte hartuko du Astigarragako Udalak. Kongresua Cantabriako Gobernuaren eta Eusko Jaur­la­ritzarekin batera antolatzen da. «Nahiz eta Eusko Jaur­la­ri­tza eta Foru Aldundiak parte har­tu, aurreneko aldia da Eus­kal Herriko udalerri batek par­te­har­­tzen duena» aipatu zuen Servertek. 

Guztira 98 txostengile egongo dira Mundu osotik etorritakoak. Eta beraien artean Asti­garragaren proiektuak, paisaia eta lurraldearen antolamenduaren inguruan, leku garran­tzitsua edukiko du.

2015ean hasi zuen prozesua Santiomendi-Landarbaso Paisaiarako Ekin­­tza Planarekin. «Nork esango zigun urte horretan hain ibilbide oparoa egingo genuenik» aipatu zuen alkateak. «Ikasi dugu lurraldearen ikuspegi berri bat proposatzen. Herri­tarren partehartzea ere ezinbestekoa da eta datorren astean bertan saio berri bat dugu. Estrategia propioa da Udala­rentzat eta udalerriaren­tzat. Lankidetza bat egingo dugu kongresuan. Erronka eta ohore haundi bat da guretzat. Zer urrats eman ditugun azalduko dugu, kokatzeko gure burua txikitasunetik horrelako itsaso zabalean. Benetan pozgarria da honelako aukera izatea, Udalak egin duen ahalegin honek ekarpena egiteko aukera. Ekintza planarekin nola hasi ginen, herritarrei zabaltzea, partehar­tzea... nola izan diren  erakutsiko dugu».