Auzo Batzarra egingo dute gaur Ereñotzun, urte hasiera honetan egindakoak azaldu, eta 2019rako dauzkaten proiektu eta asmoen berri emateko. Auzo Etxeko kultur aretoan egingo dute, eta goizeko 10:30etan jarri dute hitzordua.
Landuko dituzten gaien zerrenda ere, aurreratu dute. Hasteko, 2018ko jardueraren eta diru kontuen laburpena egingo dute. Eta ondoren helduko diote, 2019 urterako proiektu eta asmoak azaltzeari. Aurtengo aurrekontuari buruzko azalpenak ere emango dituzte, bertan.
Olak Auzo Elkartearen jarduera eta aurrekontua ere landuko dute batzarrean, eta onarpena ematea bozkatuko dute. Eta azkenik, Auzo Udalerako hauteskundeei buruz ariko dira; maiatzaren 26an izango dira, aurten. Eskari zerrenda izango da, gai ordeneko azkeneko puntua.
«Komenigarria litzateke, ahalik eta auzotar gehien elkartzea batzarrean»
Auzo Udaletik azaldu dutenez, «komenigarria litzateke ahalik eta auzotar gehien elkartzea batzarrean, ikusita gaiek auzoarentzat daukaten interesa». Horregatik, auzotarrei eskatu diete batzarrera azaltzeko; eta horrekin batera, baita abixua pasatzeko ere, batzarrera joateko interesa izan dezaketen guztiei.