Aurten ere ez diote huts eginen, Xalto eskolako ikasleek, zuhaitz berriak landatzeko zitari. Datorren asteazkenean eginen dute landaketa pedagogikoa, eskolak eta Goizuetako Udalak elkarlanean; eta lehengo zabortegia zegoen gunera joanen dira, autobusean. Eskolako 70 haur inguruk hartuko dute parte, eta beraz, makina bat zuhaitz berri landatuko dituzte, zabortegi zaharraren inguruetan, Gorostingo pistaren sarreran.
Landaketa lanak bukatuta, oinez abiatuko dira aldapa behera, herrira bueltan.