hutsik egin gabe, urteroko zita jarri du biharko Ereñotzuko Auzo Udalak. Urtea ia hasi berritan, Auzo Batzarra egingo du Auzo Udalak, bizilagunekin. Goizeko 10:30etan hasita izango da, Ereñotzuko Auzo Etxeko kultur aretoan.
Bost puntu aztergai
Denera, bost puntu izango ditu biharko gai-ordenak. 2018 urteko jardueraren eta kontuen berri emango dute, hasteko. Ondoren, 2019ko asmoak eta proiektuak aurkeztuko dituzte, baita aurrekontua ere. Segidan, Olak Auzo Elkartearen jarduera eta aurrekontua onartuko dituzte. Eta Auzo Udalerako hauteskundeen inguruan ere hitz egingo dute, maiatzaren 26an izango baitira, udal hauteskundeekin batera.
Bost puntu izango dituzte aztergai bihar, ereñotzuarrek.
Bukatzeko, eskaerak egiteko aukera ere izango dute ereñotzuarrek.
Auzo Udalak deia luzatu die herritarrei, bertaratzeko.