Pasa den asteburuan emaitza gazi-gozoak izan dituzte pelotari hernaniarrek; 9 partidu irabazi eta 12 galdu dituzte. Gipuzkoako errendimendu txapelketan, Txintxurreta-Elizazu bikote infantila finalerako sailkatu da Intzari 18 eta 14 irabazita, eta baita Iturbe-Alegria bikotea ere, emaitza berarekin. Goikoetxea-Azpeitia alebinek ere irabazi zuten, 16-9, baina ezin izan dute finalera pasa. Trinketean, berriz, Garaiar-Arluziaga kadeteek 40-23 galdu zuten Gaztelekuren kontra, eta Insausti II-Jarak 40-18, Mundarroren aurka. Oiartzabal eta Lasak, berriz, finalerdiak jokatu ahal izango dituzte, Izuruni 40 eta 28 irabazita; lan ederra egin zuen gainera Oiartzabalek, Lasa lesionatu ondoren ere ia bakarrik jarraituta