Animalien eskubideen aldeko astea, Urumean

Aste honetarako ekintza be­reziak prestatu dira Urumea HerriGunean; denak, anima­lien eskubideen inguruko sen­tsibilitatea bultzatzeko. 
Hasteko, Palestinian Ani­mal League elkarteko bi akti­bistak hitzaldia emango dute gaur, 18:30etan, eta bestalde, larunbatean bazkari musikatu beganoarekin gozaztu ahal izango da 13:30etan hasita, Erro­ka taldearekin, 5 euroren trukean, eta tailerrekin gero, 15:30etatik aurrera, 3 euroan.

Intersekzionalitatea, palestinarren borrokaren giltza
Ahlam Tarayra eta Ahmad Safi, PAL elkarteko (Pales­ti­nian Animal League) zu­zen­daria eta sortzailea izango di­ra gaur Urumea HerriGu­ne­an, animalien eskubideen alde egi­teak palestinarren bo­rro­kan duen garrantziaz hitz egi­teko. Intersekzionalitatea Pa­les­­ti­nan: Sustraietara buel­tan hi­tzaldia ematen ari dira es­tatuan barrena, horretarako.

Besteak beste, alda­rri­ka­tzen dute Palestinako he­rri­a­ren borrokak zeharkako hain­bat borroka biltzen di­tu­e­la be­re baitan; hala nola, as­ka­ta­suna, ekologismoa eta ani­ma­lien ongizatearen aldekoak. Izan ere, Israelen okupazioak biolentzia hainbat modutan erabiltzen duela salatzen dute, eta lurraldearen bana­ketak eta borroka armatuek, esate baterako, ekosistema kaltetu eta animalien portaera na­tu­raletan eragiten dutela, eta be­raz, baita palestinarren bi­zi­modu tradizionalean ere.