Beste hitzaldi bat antolatu du Astigarragako AEK euskaltegiak, Zilegi Eskolak egitasmoaren barruan. Bihar izango da, eta oraingo honetan, Nerea Yarzabal fisioterapeuta izango dute gonbidatu.
Osasun ohiturak gaia jorratuko du Yarzabal adituak bihar, bi saiotan. Goizean, 09:30etan hasita; eta arratsaldean, 17:00etan hasita. Biak Nabarra Oñatz kaleko AEK euskaltegian izango dira.
Bertan osasunarekin zerikusia duten hainbat gaien inguruan arituko da solasean astigartarrekin: elikadura, emakumea, buruko gaitzak eta sexu bidezko gaixotasunak.
Joan nahi duenak, izena eman beharko du, aurretik: kultur etxean edo zilegieskola@aek.eus-en egin daiteke.