Herri galdeketen aroari bukaera eman, eta aro berriari ekingo diola iragarri zuen larunbatean Gure Esku Dagok; horren berri, ordea, ez dute martxoaren 31ra arte emango. Ordura arte, Kataluniari elkartasuna adierazteko jarduerak egingo dituzte, baita Hernanin ere.
Biharko antolatu dute aurrenekoa. Elkarretaratzea deitu dute Elkartasuna aterpe. Konponbidea. Democracia. Llibertat lelopean; Plaza Berrin izango da, arratsaldeko 19:00etan.
Solasaldia, ostiralean
Baina ez da aste honetako ekintza bakarra izango. Ostiralerako solasaldia antolatu du Hernaniko Gure Esku Dagok Francesc Matas Sallaren eskutik, El juicio, un hito para la libre decisión y la soberanía izenburupean. Arratsaldeko 19:00etan izango da, Biterin.
Asociación Acuerdo de Esquerra por la República Catalanako kidea da Matas, eta bigarrenez izango da Hernanin.
Igandean, Donostiara
Donostian jarri dute zita igandean; Kataluniari elkartasuna helarazteko izango den manifestazioan. 12:00etan abiatuko da, Groseko Katalunia plazatik.