Inauterietarako motorrak berotzen ari dira etxeko txikienak, baita heldu asko ere. Eta horien iragarle izaten dira, askotan, kaldereroak; Hungariatik inauterien aurretik iritsi dira aurtengoan Astigarragara, hartzaren laguntzarekin. Ergobiako plaza izan zuten kanpamendu, hasieran, eta gero, kalez kale joan ziren padera-hotsekin eta abestiekin herritarrak alaitu nahian. Astigarragako ohiturei jarraituz, euskal pintxo eta Astigarragako bertako sagardoarekin bukatu zuten festa, Joseba Barandiaran plazan.