eguraldia lagun, arazorik gabe burutu dute aurten Hernaniko Zuhaitz Eguna, 46garrena, eta Joxe Legarretaren aldeko 32garrena. Aurrenekoa izan zen, ordea, Ereñotzuko Iturrandietako Udalaren beste lursailetako batean.
Urteak eman dituzte Aparraingo lurretan egiten, baina hori zuhaitzez josi, eta gauza bera hasi ziren egiten atzo, Iturrandietara bueltan.
Horretarako, goizean goiz abiatu ziren; batzuk oinez joan ziren Ereñotzura, Mendiriz Mendi elkarteko lagunekin batera; eta beste batzuk, autobusez, bat behintzat bete arte!
Epelen utzi zituen denak, eta handik, gora egin zuten, Zepaditik pasata.
10:00ak aldera hasi ziren landatzen, heldu nahiz gazteak zuhaitz nahikoa landatu arte; 150 gereziondo prestatu baitzituen Roxario Pikabeak egun berezirako.
Hamaiketako goxoa dastatu zuten gero, eta eguerdi aldera egin zuten buelta autobusean, gaztetxo eta helduek plan borobila eginda!