Umore Ona abesbatzako kideak makilek lagunduta oles egitera atera ziren astelehenean, Santa Ageda bezpera egunean. Hamargarren urteurrena duten honetan, eguraldiak gehiegi lagundu ez bazuen ere, elkartu ziren 20 lagun inguru. Haien artean, koplak kantatzen aritu ziren Juanan Lekuona, Daniel Narbarte, Fernando Goia (Pollo) eta Patxi Bakero. Makilak izan zituzten lagun, noski, baina baita Garazi Loiarte, Olaia Salaberria eta Janire Urdanpilleta trikitilariak eta Janire Bakero pandero-jolea ere.