Telmo Semperena taldeka nagusi, Donosti Berrirekin

Joan den asteburuan jokatu zen, Donostiako belodromoan, taldekako koparen bigarren eta azkeneko jardunaldia. Eta lana borobilduta, txapeldun izan zen Telmo Semperena astigartarra, Donosti Berri tal­dearekin, junior kategorian. Berarekin batera, bi hernaniar ere tartean ziren: Hegoi Urre­tabizkaia eta Iker Iriondo.
Kategoria berean, hirugarren postuan bukatu zuen kopa, Jaime Romero astigartarrak, Bazpi taldearekin.

Donosti Berri taldeak, gainera, hirugarren bukatu zuen kadete mailan. Talden ez zen astigartarrik izan, baina bai hernaniar bat, Unax Urre­ta­biz­kaia, podium hori lortzeko lehian aritu zena.

Semperena eta Romero, Galapagarren asteburuan
Taldekako kopa bukatzearekin batera, amaiera eman diote pistako denboraldiari ere, Gi­puzkoan. Baina Telmo Sem­pe­rena eta Jaime Romero asti­gartarrek, oraindik ere lehian jarraituko dute. Izan ere, aste­buru honetan, Ma­drilen ariko dira biak, Galapaga­rre­ko belodromoan, Euskadiko selekzioak deituta. Espainia­ko Kopa­ren bigarren jardunaldia izango da jokoan.