Aurten ere Zuhaitz Eguna eginen da Goizuetan, Udalak Xalto eskolarekin elkarlanean antolatuta.
Otsailaren 20rako jarri dute hitzordua, eskolako 70 haur ingururi zuzenduta.
Gorostingo pistara
Aurtengo landaketa pedagogikoan Xalto eskolako 3 eta 14 urte bitarteko ikasleek hartuko dute parte; denera, 70 ume inguru izanen dira.
Zuhaitzak landatzeko eguna otsailaren 20rako zehaztu dute, eta lehengo zabortegia zegoen ingurura joanen dira, hau da, Gorostingo pistaren sarrerara.
Ekitaldiari landaketa p-edagogikoa deitu diote, hain zuzen, zuhaitzak landatzen ikasteaz gain, landaketa horrek ingurunea berreskuratu eta biziberritzeko duen eraginaz ere jabetzeko aukera emanen dielako, beste behin, parte hartuko duten ikasleei.