Atzo eman zioten hasiera Hernaniko Udaleko kultura sailak antolatu duen Euskal Zinea zikloari. Gure Oroitzapenak filma ikusi ahal izan zen orduan. Gaurkoa izango da bigarren jardunaldia; oraingoan, Aralar, mundua leku den lurra ikusi ahal izango da. Hau ere, arratsaldeko 19:30etatik aurrera izango da, Biteri kultur etxean.
Hausnarketarako eta gogoetarako bide
On Produkzioak eta Landarlanek elkarlanean ekoitzitako dokumentala da gaur eskainiko dutena.
Garazi Auzmendi, Iban Toledo, Aloña Jauregi eta Ion Fontenlak zuzendutako lan honek hausnarketarako eta gogoetarako bide izan nahi du, «Aralarko ondare natural eta kulturalaren leiho izateaz haratago», diote. Horretarako, adituen adierazpenen eta pasarteen bidez, «Nafarroa eta Gipuzkoaren mugan dagoen mendilerro honen balioa ezagutzera ematearekin batera, kontserbaziorako deia egiten dute».
Garazi Auzmendik, Iban Toledok, Aloña Jauregik eta Ion Fontenlak zuzendutako filma da.
Azkeneko saioa, bihar
Bihar emango zaio bukaera Euskal Zinearen inguruko zikloari. Josu Martinezen Jainkoak ez dit barkatzen emango dute bihar, Biterin.