‘Gure oroitzapenak’ filmak irekiko du zikloa

Dokumental Zikloa eskai­ni­ko da bihartik aurrera hiru egu­netan Biter kultur etxean. Eus­kal Zinea zikloa da eta eskainiko diren filmak, beti 19:30etan, ondorengoak izan­go dira: Gure oroi­tzapenak; Aralar, mundua leku den lurra; eta Jainkoak ez dit barkatzen.
Zikloa irekitzen lehenen­goa, bihar, Gure oroi­tzapenak,  Joseba Sarrionaindia idaz­learen obran oinarrituta 12 zu­zendarik egindako film kolek­tiboa da.
Zuzendari bakoitzak aska­tasun osoa izan du, Sarrio­nan­diaren testuetan murgildu eta nahi zuen gai, obra, poema edo hitza aukeratzeko, eta, hartara, denetarik ageri da idazlearen mundu amai­ga­beari egindako hamabi ar­gaz­ki ikus-entzunezkoetan zehar: itsasoa, portua, haur­tzaroa, trenak, deserrotzea, ihesa, no­raeza, erbestea, gerra, sun­tsipena, amodioa, deriba, mi­na, fantasia, misterioa, inizi­azioa, tortura….
Etzi, Garazi Auzmendi, Iban Toledo, Aloña Jauregi eta Ion Fontenla zuzendarien Aralar mundua leku den lurra eskainiko da eta ostegunean  Josu Martinezen Jainkoak ez dit barkatzen pelikulak eman­go dio amaiera film dokumen­talen zikloari.