Aurkari zailenaren aurka jokatuko du gaur Hernanik, Heineken Ligako 16garren jardunaldia Valladoliden. Pepe Rojo zelaian izango da, 12:30etatik aurrera, VRAC Quesos Entrepinares ahaltsuaren kontra.
Valladolideko taldea liderra da eta nahiz eta lehendabiziko bi partiduak galdu eta krisian zegoela esan, azken hamahiruak erreskadan irabazi dituzte.
Landaren hernaniarrek eskura izan zuten garaipena, baina ihes egin zien. Pepe Rojon, aldiz, partidua oso desberdina izango da. Bertan, helburu nagusia punturen bat lortzea da eta hori aski zaila izango da. Horretarako, errazena, zerbait esatearren, erasoko puntua izango litzateke, eta partidu irekia behar du izan hernaniarrentzat, puntu askotakoa.
Hernanik irabazteko asko eta galtzeko gutxi du, normala bertan erraz galtzea baita. Horrela ez bada, datorren guztia ongi etorria izango da trikoloreentzat.