Gipuzkoako familia, dendari, ikastetxe, farmazia eta erakundeen ahaleginari esker, lortu da, berriz ere, kamio batzuk elikagaiez betetzea Saharako Errefuxiatu Kanpamenduetara bidaltzeko. Hernanitik zortzi tona paseak.
Aurten, Piztu Itxaropena XV. Euskal karabana Laudiotik irtengo da martxoaren 2an. Kamioien aurkezpena otsailaren 23an Kursalaren aurrean egingo da.
Hernanin, 13 palet bildu dira. 8.245 kilo jaki jaso dira, iaz baino 1.717 kilo gehiago. Aurten jakiak bakarrik bidaltzea eskatu zen, beraz arropa ez da bidali. Lehenta–suna jakiak zuen eta ospital batera sendagai kaxa bat, bi kaxa esponjak jaboiarekin eta hiru kaxa haundientzako fardelekin bidali dira.
Olioa, pasta eta konpresak berdintsu jaso dira eta arroza, azukrea eta lekaleak iaz baino gehiago. Atuna oliotan eta sardinak iaz baino gutxiago.
Saharar haurrak udaran
Bide batez Saharako haurrak udan etxeetan hartzeko kanpaina ere abian da. Aurtengo udan etxean Saharako haurren bat hartu nahi duenak Udal Lankidetza Arlora jo dezake horren inguruko informazioa jasotzera 943 33 70 17, (marijo-m@hernani.eus). Martxoaren 31ra arte izena eman daiteke.
Oporrak bakean programak uztaila eta abuztua bitartean haur saharar bat etxean hartzeko aukera eskaintzen du. Basamortuko berotik ihes egiteko, urteroko mediku azterketa pasatzeko, beharrezko botika eta elikagaiak eskura izateko, eta bertako klimaz gozatzeko aukera izaten dute umeek.
Hernaniko udalak umeen bidaiak ordaintzen ditu eta uztailean eta abuztuan zehar udaleku irekiak antolatzen ditu umeentzako. Beraz, herritarrak programan parte hartzera gonbidatzen dituzte.