Aurreko igandean eman zion hasiera denboraldi berriari Hernaniko Gimnastika elkarteak, eta gaur izango dute aurreneko txapelketa. Bergaran izango da, eskolarteko gimnasia erritmikoko eta amateur txapelketen denboraldia. Egun osoko lehiaketa izango da, goiz eta arratsaldez. Goizean, amateur talde guztiak eta bakarkako gehienak arituko dira; arratsaldean, aldiz, jubenil B mailako bakarkakoak. Elkarteak bertan izango diren gimnastak animatu ditu.