Auzolan Berrin parte hartzeko, Gizarte Zerbitzuetan izena eman beharra

Beterri-Buruntza eskualdeko Udalek, tartean Astiga­rra­gak, urtarrilean aurkeztu zu­ten Au­zolan Berri programa, gi­zarte-bazterketa egoeran dau­den pertsonak gizartera­tu eta laneratzeko helburuarekin. 

Bertan parte hartu dezaketen astigartarren bazterketa egoeraren balorazioa egingo du Uda­lak datorren as­tean, eta beraz, interesa du­te­nek Gizarte Zer­bi­tzuetako Sai­larekin harremanetan jarri behar dutela gogorarazi du, dagoeneko izena eman­da ez badaude. Horre­ta­ra­ko, 943 33 52 32 telefonora dei­tu edo ongintza@astigarraga.eus helbidera idatzi behar da, lehenbailehen.

Udaleko Gizarte Zerbitzuak bazterkeria egoeran daudenen balorazioa egingo du.

Formazioa eta praktikak, gozogintzan
Auzolan Berri programa bul­tza­tzeko lau urteko hitzarmena lortu dute Astigarraga, Her­nani, Andoain, Urnieta eta Usur­bilgo Udalek, eta martxoan jarriko dute martxan. 

Urtero, bazterketa-egoeran dauden 15 lagun gizarteratze eta laneratze prozesuan la­gun­duko dituzte. Hain zuzen, go­zogintzan formazioa jasoko dute Hernaniko Transpacar egoitzan, 330 orduz, eta beste 80 or­du­ko lan-praktikak egin ahal izango dituzte. Formazio fasea bukatzean, helburua izango da parte-hartzaileek enpresa pribatu batean lan kontratua lor­tzea. Horre­ta­ra­ko, 3.000 eta 6.000 euro arteko kontratazio diru-laguntzak ja­rriko dira, sek­toreko enpresen eskura.

Denera, programa martxan jar­tzeko 52.875 euro jarri dituzte bost Udalek; horietatik 8.690,41 euro jarri ditu Astiga­rra­gako Udalak.