Denboraldi erregularra daramaki Mundarrok, mutilen Gipuzkoako lehenengo mailan; eta horri esker, aukera dauka oraindik, play offetara sailkatzeko: bi garaipen gehiagorekin dago laugarren talde sailkatua, une honetan.
Eta gaur, pixka bat gehiago gerturatzeko aukera dute astigartarrek, etxean. Izan ere, Santo Tomas Lizeoaren kontra jokatuko dute, bosgarrenaren kontra; bi garaipen gehiagorekin dago talde donostiarra ere. Kiroldegian jokatuko dute gaurkoa, arratsaldeko 18:00etan hasita.
Donostian bihar, neskak
Etxetik kanpo ariko dira, aldiz, Gipuzkoako bigarren mailako neskak. Donostian jokatuko dute bihar, 16:00etan, Tecnun taldearen kontra. Azkenaurreko sailkatuak dira donostiarrak, eta astigartarrek aukera dute, laugarren postura gerturatzeko: hiru garaipen gehiagorekin dago Ordizia, baina liderraren kantxan ariko da asteburu honetan.