2019-2020 ikasturterako prestaketa lanetan dabiltza eskolak, baita Goizuetako Andres Narbarte ‘Xalto’ ikastetxea ere. Nafarroako beste eskolekin batera, astelehenean irekiko dute aurrematrikulaziorako epea, eta aste osoan zehar egonen da irekita; hau da, astelehenetik ostiralera, hilaren 4tik 8ra bitarte. Lehen aldiz matrikulatzen diren gaztetxoei egin diete deia, hau da, 2016an jaiotakoei, baita ikastetxe aldaketa eskatu nahi dutenei ere. Aurrematrikula egiteko edota argibide gehiagorako webgunea osatu du Nafarroako Gobernuak, denontzat: aurrematrikulazioa.nafarroa.eus.