Urteko aurreneko Plenoa asteazken eguerdian bildu zen udaletxean, 12 puntu gai-ordenaren inguruan eztabaidatzeko.
Aho batez onartu zituzten hiru alderdiek horietako zazpi, eta desadostasunak izan ziren gainontzekoetan.
Partzela bat libre,animalientzat
Plenoa hasteko, aho batez onartu zen aurreko Plenoko akta, zuzenketa batzuk eginda, eta ondoren, Astigarraga A+ plataforma animalistak egindako konpromiso eskaera irakurri zuen bertaratutako herritar batek. Hau ere aho batez onartu zuen Plenoak.
Dena den, Zorione Etxezarraga alkateak argitu zien eskatzen zuten bezala herriko partzela publiko bat animaliek erabiltzeko moduan jartzeko, aurrena hainbat «pausu juridiko eta tekniko eman» beharko direla.
Arreta eta etxebizitzazerbitzuak martxan, etasoldata igoerak onartuta
Ados egon ziren hurrengo puntuak onartzeko ere, alderdi guztiak. Batetik, Buruntzaldean bazterketa arriskaun daudenentzako tutoretzapeko etxebizitza zerbitzua martxan jartzea eta horretarako araudia adostu ziren, eta bestetik, arreta zerbitzua ematea Galtzaurren; astelehenean jarriko da martxan hau.
Oailume bidea 65eko Gurutzeta partzelaren inguruko azterketa egitea ere aho batez onartu zen, eta baita soldatak %2,5 igotzea ere, EUDELek proposatzen duenaren arabera. Superabitaren arabera %2,8ra igo ahal izango dela ere ziurtatu zuen Andoni Gartzia EH Bilduko bozeramaileak, «inbertsioak %16an soilik bete direlako», baina portzentaia jakin arte itxoitea adostu zen.
Terrazak jartzeko ordutegia murriztu da neguan; ordubetez astean zehar eta ordu erdiz asteburuetan.
Terrazen ordenantza,harrobia betetzea eta Zarkumendegin aldaketak onartuta, EAJ-PSEk adostuta
Hurrengo puntuetan izan ziren desadostasunak.
Ostalaritza lokal eta jatetxeen lurzoruak erabiltzeko ordenantza EAJ eta PSEren aldeko botoekin eta EH Bilduren abstentzioarekin onartu zen. Besteak beste, bertan biltzen da terrazak jartzeko ordutegia ordubetez murriztea neguan astean zehar, eta ordu erdiz asteburuetan, eta ordu erdiz, udako aste egunetan. Alkateak nabarmendu zuen «herritarren 10 eskaeratatik 6 onartu eta bat partzialki onartu» direla. «Entzuten eta kontuan hartzen saiatu gara». EH Bildu, berriz, «pozik» agertu zen horregatik neurri batean, baina aldarrikatu zuen «terraza jartzeko baimena bizilagunek ematea, parte hartu dezaten eta terrazen jabeak arduratsuago izan daitezen bultzatzeko».
Zarkumendegiko zabalpenaren inguruko aldaketak modu berean onartu ziren. EH Bilduk azaldu zuen aisialdi gune bat kokatzeko proposamenari bere momentuan ezetza eman zi–tzaiolako abstenituko zela.
Erabat kontra agertu zen, ordea, Rofer-Buenaventura harrobiari buruz Excavaciones Astigarraga SL enpresarekin egindako hitzarmenaren inguruan, eta EAJ eta PSEk onartu zuten. Andoni Gartziaren esanetan, «harrobiaren bete-lana milioi bat metro kubiko haunditzea Plan Orokorraren kontra dijoa», eta gainera, «kutsatuta dauden lurrak eskuratzeak konpromiso ekonomikoak ekarriko lizkioke Udalari». Alkateak azaldu zion «jarduera eta ingurumen teknikariaren eta hirigintzakoaren oniritziak» zeuzkala.
Azkenik, EH Bilduren auzoen aldeko ekimenak sustatzeko mozioaren alde agertu ziren alderdikideak eta PSE, eta abstenitu egin zen EAJ. «Kutsu elektorala» edukitzea egotzi zion alkateak, «martxan» daudelako egiten diren eskaerak. Andoni Gartziak erantzun zuen «partidarik ez» dutela, eta «batzordeetatik pasa gabeak» direla.
Bukatzeko, DBHko eraikinaren inguruko galderak egin ziren.