Estimulazio Musikal Goiztiarra pasa den urtarrilaren 8an hasi zen eta gaur hilabeteko laugarren saioa egingo dute. Asteartero egiten da Biteri kultur etxean eta Kaxko Elkarteak antolatzen duen tailerra da. 10:45etan hasiko dira eta ordu bete irauten du saioak.
Musikarekin haurren garapena sendotzeko eta gurasoekiko lotura afektiboa sustatzeko tailerra da. 0-3 urte bitarteko haurrentzat dago zuzendua eta debalde izaten da. Hori bai, izena eman behar da: info@musikhazi.com edo 608 19 37 01 telefonoan.
Abestiak, dantzak, jokuak; haur eta gurasoen arteko lotura areagotzen da elkarrekin abestuz, dantzatuz eta jolastuz. Urtarrilean zehar guraso eta haur ugari elkartu dira.