Garaipena ezagutu gabe jarraitzen du Mundarrok

Aurtengo denboraldian Mun­­darrok ez du erdibiderik. Irabazi edo galdu egiten ditu partiduak (12 irabazi eta 8 galdu berdinketarik gabe) eta gainera boladaka dabilen taldea da. 2019a bolada txarrean hasi du eta hiru partidu daramatza aurten neurketak galduz. Pasa den larunbatean Ostadarren kontra 0-2 galdu zuen Zarku­men­degin.
Lehenengo zatian ez zen gauza askorik pasa eta bi taldeek ez zituzten aukerak sor­tu. Atsedenetik itzuli zirenean partiduak erritmo gehiago har­tu zuen.
Etxekoek gaizki de­fen­datutako jokaldi bat ondo baliatu zuten Lasar­tekoek markagailuan aurre­ra­­tzeko. Minutu batzuk beranduago, baloi irteera txar baten ondoren, Ostadarrek bigarrena eta azkena egin zuen.