‘Pumori, mendiaren alaba’ pelikula ostegunean, Zinea Euskaraz! berezian

Berezia izango da urtarrileko Zinea Euskaraz! saioa, eta puri-purian dagoen pelikula bat ekarriko du Dobera Euska­ra Elkarteak: Pumori, mendiaren alaba jarriko dute ostegunean, arratsaldeko 18:30etan hasita, Sandiusterrin.
Filmak gogora ekarri nahi ditu, Suku Maya gazte ne­pal­darraren istorioaren bitar­tez, 2001eko urrian, Hima­la­ya­ko Pumori mendiaren ma­ga­lean elur-jausi batek harra­pa­tuta hil ziren bost men­di­zale eus­kaldunak. Beñat Arrue aizar­na­­rra zen ha­ie­tako bat, eta bere ka­ma­ra­rekin atera zuen azke­neko argaz­kian, Sukurekin age­ri da, 3 urte zituela. Istri­pua gertatu eta urtebetera, Ne­pa­le­ra egin zuten bidaia Beñaten gura­so­ek, istripuaren tokira hur­bil­tze­ko, batetik; eta argaz­kian ageri zen neska hura eza­gutzeko, bes­tetik. Haiekin bizi da orain, Aizarnan.
Dokumentala ikusteko, sa­rre­rak salgai egongo dira gaur­tik, 5 euroan, Doberaren bule­goan (Larramendi kalea 11). Bil­dutakoa, SOS Himalaya Fun­da­­zioarentzako izango da. Egu­ne­­an bertan, sarrerarik gera­tzen bada, Sandiusterrin ber­tan erosi ahal izango dira.

‘Txori txikia eta krokodiloa’ bertsotan, asteazkenean
Beste zita bat ere jarri du Do­berak, aste honetarako, Amher eta Koxka elkarteen lagun­tza­rekin: Txori txikia eta kroko­di­loa, Ipuin Fak­­toriako argitalpen berrie­na, bertsotan kontatuko dute aste­azkenean, 19:00etan Biteriko areto nagusian. Unai eta Eñaut Agirre izango dira bertso kon­ta­lariak, narrazioa egingo dute Jexux Eizagirrek euskeraz eta Ndickou Diouf-Boubacarrek wo­lofez, eta Mai­der Yabarrek zeinu hizkun­tzan kontatuko du ipuina.