Oles eta oles eginen diote, aurten ere, goizuetarrek etxekoei, baina baita bizilagun guztiei ere. Beste behin ere, Santa Ageda bezperako erronda antolatu baitute otsailaren 4rako.
Aurtengoa, gainera, are bereziagoa izanen da, 10 urte beteko baitute goizuetarrek Santa Ageda bezperako kale-buelta egiten dutela.
Herriko plazatik, irteera
Ohi bezala, arratsaldeko 18:30etan hasita eginen dute kale-buelta, herriko plazatik abiatuta. Bertan denak elkartu, eta herriko kale eta tabernetan zehar ibiliko dira, betiko abesti eta bertsoak ahoan dituztela.
Plazatik abiatuta, kale eta tabernetan zehar ibiliko dira, betiko abestiak eta bertsoak ahoan.
20-25 lagun, santa eskean
20-25 lagun bildu izan dira azkeneko urteetan, eta datu horiek errepikatuko direlakoan daude, «nahiz eta astelehena izan». Dena den, gehiago badira, hobe! Eta gonbidapena luzatu diete herritarrei, «gustokoa baduzu, baserritar jantzia jantzi» eta azaltzera!