Urtero bezala, San Anton eguna ospatu zuten goizuetarrek, ermitan. Pasa den urtarrilaren 17an izan zen hori; goizeko 11:00etan abiatu ziren Goizuetako herriko plazatik ermitara erromerian. Bertan, 11:15etan azienda bedeinkatu zuten, Goizuetako apaizaren laguntzaz. Eta segidan, meza ospatu zuten, kantekin alaitutakoa.
Bukaera, ohi den bezala egin zuten, jan eta edanareki. Hotzari aurre egiteko, salda bero-beroa edan, eta txorizoa ere dastatu zuten bertaratuek.